《有咩好？》
有氧好氣息，重點係光澤！
Gel Base 嘅泥Mask 喺市面上真係好少有！
《邊個用？》
混合性偏乾膚質
《點解好？》
想有清潔效果，但又唔想只係得清潔效果嘅（好矛盾）就可以用呢款面膜～
之前第一代嘅時候係叫玫瑰泥嘅！因為佢有玫瑰成份，但好多客人都叫唔出佢個名，係咁叫佢「粉紅色個個泥」，咁佢就改左名啦！
澳洲粉紅高嶺土，可以清潔肌膚收縮毛孔嘅同時，提升肌膚光澤；加上玫瑰純露同精油，可以高度保濕，柔軟皮膚，加強後續護膚品嘅吸收！
 
《獨門小貼士》
夏天嘅時候一個星期都會做2-3次清潔面膜，我自己會將其中一次換做粉紅泥，因為佢敷極都唔乾之餘，佢敷完10分鐘之後就好似係做左磨砂/清潔面膜嘅中間，有乾淨嘅感覺之餘，又有提亮嘅效果！