美國 🇺🇸 Epionce 專業植物醫學品牌
步驟1 :潔淨與準備
Milky Lotion Cleanser:特別適合剛剛完成醫學療程後/ 關注玫瑰痤瘡及其他皮膚問題徵狀嘅朋友使用

 

有客人睇完我Lytic Gel Cleanser 個post之後再上網睇埋雨僑個Epionce video介紹直頭燒著左🙈🔥~唔好意思我地搵嘅產品又真係好唔錯!但佢問我佢係乾性皮膚,仲鐘意打機(皮膚療程嗰d機),成日都會紅,咁用唔用得Lytic Gel Cleanser?呢個時候專業嘅我(夠膽講🤪)就推介另一支產品Milky Lotion Cleanser 比佢~

 

Milky Lotion Cleanser 入面含有藥蜀葵根提取物,係天然消炎抗菌嘅有效成分,可以溫和卸妝、溶解污染物、細菌、塵垢及其他雜質嘅同時深層清潔面部,唔損害肌膚保護層功能之餘,亦唔會刺激或令肌膚乾燥。所以佢特別適合一d剛剛完成醫學療程後,皮膚已經變得乾燥,敏感,什至有受損情形嘅朋友使用!

 

我第一次用佢嘅情況我仲好記得,就係用左兩泵嘅份量打圈,跟住。。。打唔到,因為我乾手乾面用我塊面吸左~😅佢嘅成份靚到好似護膚乳液咁,遇到乾燥皮膚第一件事唔係清潔左先,而係保護左先,等皮膚喺最柔軟最保濕嘅情況下先潔面!真係好好,好周到,好安心!

 

如果你想要something in between Lytic Gel Cleanser 同Milky Lotion Cleanser,其實仲有一款Gentle Foaming Cleanser,就係以上兩支產品嘅2in1版本,我本人覺得如果係出trip,想一支過,想懶懶地唔兩個steps落妝洗面都可以考慮~

滋潤潔面乳 170ml

HK$280.00Price