我諗我地由一開舖有雪耳面膜做溫和去角質開始開始,每一次介紹去角質呢一類產品嘅時候都係特別小心,因為我地知道我地好強客人朋友都係敏感皮膚,唔用得一般傳統個種磨砂,咁我地每一次去睇一個牌品,我地都會睇下佢地會唔會喺呢個情況上照顧度客人嘅需要,有不一樣嘅去角質產品帶比大家!

 

Éminence 嘅去角質產品除左有Cream狀之外,仲有粉末呢個特別為敏感皮膚而設嘅全新狀態!呢款會喺加水後,由粉末轉變成泡沫狀嘅去角質產品蘊含豐富營養嘅菜苗、稻米同紅豆粉,可以溫和去除污垢嘅同時,泡泡就好似一個氧氣面膜咁,快速為皮膚注氧,令肌膚得到徹底潔淨,去除多餘老廢嘅角質,皮膚摸上手好滑,好細緻,唔會咁易積暗粒,做完呢個去角質粉個晚搽嘅精華素,唔洗點按就吸晒入去皮膚入面啦!

 

產品倒出嚟嘅時候係綠色嘅粉末,聞一聞個味,好熟口熟面喎,冇錯,就係皇牌垂盆草啦!今次垂盆草變身粉末狀,但一樣可以做到補濕滋潤、美白和活化皮膚,仲可以保障皮膚喺去角質嘅過程中減少泛紅!
而菜苗排毒復合物,蘊含西蘭花、櫻桃蘿蔔同三葉草苗、瑞士水芹苗提取嘅蘿蔔素,可以預防因環境因素轉變而令皮膚變乾的情況,更有效減少老化現象,令肌膚望落更年輕。

而稻米粉同紅豆粉都可以溫和地去除角質,令膚質更通透明亮同光滑!

 

用法真係好簡單,每次用1-1.5g,大約倒到一個1蚊銀咁上下大嘅size放喺手掌心啦,我自己會用埋同系列嘅垂盆草保濕噴霧嚟開呢個粉,因為呢個粉可以喺面上好似面膜咁留一陣,咁當然要用多d保濕效果嘅mixer 啦!我會噴2-3下分量嘅保濕噴霧,跟住mix埋一齊,你會見到d粉會起泡,係好creamy嘅泡嚟,咁就可以上面打圈啦!記住一開始放左喺額頭、鼻哥、下巴呢d角質比較厚嘅地方先,因為呢d地方會比面頰兩邊需要多少少時間溶化毛孔入面嘅污垢!咁其實打圈30秒至1分鐘左右,見到泡泡少左就可以洗嫁啦!洗完之後唔好哂,即做mask啦!咁計法一支可以用到80-120次,計一星期做兩次去角質,最長可以用到8-9個月喎!勁抵用!

垂盆草注氧泡沫去角質 120g

HK$600.00Price