來自希臘的專業醫學美容品牌Juliette Armand - 入門產品：Hyaluronic Acid Serum 透明質酸補水精華 55ml
大家可能都用過唔少透明質酸精華，我本身係一個一年四季都會用透明質酸精華底嘅人，冇辦法，都係乾人一個。呢支透明質酸補水精華係我呢排鍾意嘅產品之一，因為佢係有質感嘅，唔會好似出面有d透明質酸太水，我可以感受到佢係有帶到俾肌膚水份！另外就係佢嘅分子好細，可以入到皮膚肌底，真正做到快速滲透之餘又補充到肌膚嘅需要！
呢款透明質酸精華最厲害嘅地方係佢可以加強鎖水力高達細胞自身1000倍！無論大家有冇精華素，如果想率先試試Juliette Armand 呢個品牌的話，都可以先考慮Hyaluronic Acid Serum 呢款產品嫁！
我而家係用完爽膚水 (Beauness A & Essence Infusion) 之後會用左佢先，一泵份量都好足夠全面用。佢冇乜特別嘅味道，所以可以放心使用。吸收得好快，但唔係好似咩都冇搽過嗰種。咁我之後會再根據當日皮膚需要再用多一支精華素，可以係Anti-aging嘅，可以係去紋嘅，又或者係美白嘅都冇問題！
可能大家用開護膚品嘅都知，用左透明質酸精華打底係可以倍大之後護膚品嘅功效呢一個point，特別係美白產品嘅功效，好多唔同嘅測試報告都有研究指出可以提升+30%以上嘅效果！水份夠，細胞吸收力自然較好，新陳代謝亦會較順暢，皮膚自然會更有光澤啦！