「秋冬護膚秘技」- 低成本三文治補水💦面膜法

Updated: Feb 15

呢幾排身邊好多朋友同事都大叫「好乾!」而今日佢地食飯嘅時候就已經討論緊係唔係要開住部香薰噴濕機夜晚先去瞓覺........都一早呀佢地平時勤力d嫁啦~

好啦今次我就想講下秋冬時候嘅護膚新方法啦! 呢個方法係「新三文治補水💦面膜法」!以前都有好多老師都教過唔同嘅三文治面膜敷法,而我今次呢個成本嚟講會低啲,因為材料由以往嘅三種變成兩種! 第一層(底個層)高成本方法:精華素 🔜 低成本方法:保濕爽膚水 乾性肌:be good to life ⭐️ Essence Infusion 中性/ 混合性肌:Alteya Organics Rose Otto Toner

解說👨‍🏫:肌膚最佳吸收營養係處於微濕嘅時候,其實只需要用保濕爽膚水軟化角質就可以,唔需要下下敷面膜前都用透明質酸/B5 精華打底,效果一樣可以好唔錯! 第二層(中間個層)高成本方法:Cream/ Gel 面膜 🔜 低成本方法:精華油 乾性肌:Rohr Remedy 有機猴麵包樹玫瑰果修復精油 (5-7滴) 中性/ 混合性肌:D'Alchemy 全天然濃縮修護精油 (5-7滴) 解說👨‍🏫:以前用Mask 做中間個層,好多時d Mask 唔係比皮膚吸哂而係同最外面個張Paper Mask 撈埋左!其實好浪費!以精華油代替Cream/Gel Mask 作為三文治面膜主菜嘅好處係現今精華油的分子往往可以做到好微細,什至係有dry touch 嘅質地,好適合用嚟做Treatment Base! 第三層(最外面個層)高成本方法:1張精華面膜 🔜 低成本方法:爽膚水面膜

解說👨‍🏫:用返第一層個支爽膚水就得!話明三文治呀嘛,你幾時見過三文治個包上下層係唔一樣嫁呢?咁以前其他人想你買多樣野/護膚Counter 想你加多張Mask 就會咁sell 多張貴Mask 係面囉!其實水同油本應就不太相融,如果你係面個層敷一張爽膚水面膜,精華油首先唔會比面膜吸左,反而會因為敷面膜時候冇得走被加壓而加速吸收入皮膚入面!

爽膚水面膜會令肌膚表面更為柔軟,10分鐘後你再搽返面霜就可以嫁啦!


330 views